Ўзбекистонлик ФИФА рефериси Шерзод Қосимов ОФК Кубоги–2017 мусобақаси “А” гуруҳи 1-туридан ўрин олган “Ал-Жайиш” (Сурия) – “Ал-Аҳлий” (Иордания) учрашувига бош ҳакам этиб тайинланди.

Шерзод Қосимовга қанотларда Алишер Усмонов ва Тимур Гайнуллин ассистентлик қилади. Захира ҳаками бўлиб мальдивлик Муҳаммад Жавиз ишлайди.  

Учрашув комиссари – Давлатманд Исломов (Тожикистон), ҳакамлар назоратчиси этиб Ас-Саидий Козим Ауда Лозим (Ироқ) тайинланди.

Мазкур учрашувда “Ал-Жайиш” номинал мезбон бўлади, ҳамда Сурияда сиёсий вазият барқарор бўлмагани учун ўйин нейтрал майдон – Қатар пойтахти Доҳа шаҳридаги стадионларда бирида ўтказилади.