«Реал» клуби Испания чемпионатидан ўрин олган, Виго шаҳрида ўтказилиши лозим бўлган, бироқ бўрон туфайли бошқа муддатга қолдирилган «Сельта» клубига қарши ўйин ҳақида расмий баёнот берди.
«Реал» Виго шаҳрининг мэри Абель Кабальеронинг, хавфсизлик чораларига эътибор бермаганимиз ҳақида айтилган ноўрин гапларидан афсусда эканини маълум қилади.
Иккинчидан, «Реал» ҳеч қачон «Балайдос» стадионида амалга оширилган хавфсизлик чораларига шубҳа билдирмаган.
Учинчидан, ўйин бошланмасидан 30 соат олдин, унинг қолдирилиши маълум бўлгач, биз учта ечимни таклиф қилдик:
а) стадион томини таъмирлаш;
б) томи зарарланган трибунани ёпиб қўйиш;
в) ўйинни яқин орадаги бошқа стадионга кўчириш.
Бу таклифлар ўйиннинг қолдирилиши ҳақидаги қарорни қабул қилинишини олдини олиш учун берилганди. Чунки бундай қарор бир йўла тўртта мусобақанинг ўтказилишига салбий таъсир кўрсатар, бундан ташқари, дунёдаги жуда кўп телеканалларга молиявий зарар етказарди. Келажакда эса трансляция телеҳуқуқларини сотилишига ҳам салбий таъсирини ўтказарди» - дейилади клуб баёнотида.