«Тоттенҳэм» ҳужумчиси Ҳарри Кейн АПЛ 25-туридан ўрин олган «Ливерпуль» клубига қарши ўйиндан олдин ўз фикрлари билан ўртоқлашди.

«Бу биз учун муҳим ўйин. «Ливерпуль» клубини мағлуб этиб, улардан 7 очко ўзиб кетишимиз мумкин.

Бундан ташқари, «Челси»ни қувиб етишга ҳам ҳаракат қиламиз. Умуман олганда, жадвалнинг юқори қисмидаги жамоалардан иложи борича олдинга ўзиб кетишимиз керак.

Бироқ ҳаммаси «Челси»га боғлиқ. Бизнинг вазифамиз ўз ўйинларимизда ғалаба қозониш ва «Челси»нинг очко йўқотишидан умидвор бўлиш. Биз «Челси»га турли усуллар билан босим уюштирамиз, кўрамиз, улар бунга чидаб бериша олармикан» - деди Кейн.

АПЛ 24-туридан сўнг «Челси» «Тоттенҳэм»ни 9 очко ортда қолдирмоқда.