«Tottenhem» hujumchisi Harri Keyn APL 25-turidan o‘rin olgan «Liverpul» klubiga qarshi o‘yindan oldin o‘z fikrlari bilan o‘rtoqlashdi.
«Bu biz uchun muhim o‘yin. «Liverpul» klubini mag‘lub etib, ulardan 7 ochko o‘zib ketishimiz mumkin.
Bundan tashqari, «Chelsi»ni quvib yetishga ham harakat qilamiz. Umuman olganda, jadvalning yuqori qismidagi jamoalardan iloji boricha oldinga o‘zib ketishimiz kerak.
Biroq hammasi «Chelsi»ga bog‘liq. Bizning vazifamiz o‘z o‘yinlarimizda g‘alaba qozonish va «Chelsi»ning ochko yo‘qotishidan umidvor bo‘lish. Biz «Chelsi»ga turli usullar bilan bosim uyushtiramiz, ko‘ramiz, ular bunga chidab berisha olarmikan» - dedi Keyn.
APL 24-turidan so‘ng «Chelsi» «Tottenhem»ni 9 ochko ortda qoldirmoqda.
