Бекободнинг “Металлург” жамоаси Туркия йиғини давомидаги биринчи назорат учрашувини ўтказди.

Рақиб Қозоғистоннинг “Акжайик” жамоаси бўлди. Ўйин ҳамюртларимизнинг устунлиги остида ўтди ва “Металлург” 2:0 ҳисобида ғалаба қозонди. 13-дақиқада бекободликларнинг ҳужумини қайтариш чоғида “Акжайык” ҳимоячиси тўпни ўз дарвозасига киритиб қўйган бўлса, 35-дақиқада “Металлург” тўпурари Зоҳид Абдуллаев ўзини кўрсатди.

“Металлург” навбатдаги кўрик-ўртоқлик учрашувини 11 февраль куни Украинанинг “Волынь” жамоасига қарши ўтказади.

Бекободликлар “Акжайик”ка қарши учрашувни қуйидаги таркибда ўтказишди:

“Металлург”:Зафар Сафоев, Мирғиёс Сулаймонов, Вусол Магерамов, Достонбек Турсунов, Даврон Каримқулов, Жаҳонгир Абдумўминов, Дониёр Исмоилов, Санжар Қодирқулов, Аюбхон Нўъмонов, Дилмурод Каримов, Зоҳид Абдуллаев.

Заҳира:Суҳробжон Султонов, Ҳикмат Ҳошимов, Жасур Аҳмедов, Камронбек Копадзе, Алишер Зиёвуддинов, Фарҳод Намозов, Дониёр Одилов, Ислом Исоқжонов, Муҳаммадодил Қаҳрамонов, Умид Раҳимов, Зуҳрилло Бобоев, Муроджон Тошматов.