Испания Ла лигасининг 22-тури доирасида "Реал" сафарда "Осасуна" жамоаси меҳмони бўлди ва ғалаба қозонди.

Биринчи бўлимда Роналдунинг зарбасидан кейин ҳисоб очилган бўлса, орадан кўп ўтмасдан мезбонлар ҳисобни тенглаштиришга муваффақ бўлишди.

Иккинчи таймда эса Зидан шогирдлари ғалабани ўз томонларига оғдиришди. Дастлаб Хамеснинг узатмасидан кейин Иско дарвозани ишғол қилган бўлса, қўшиб берилган дақиқаларда Лукас Васкес якуний ҳисобни ўрнатди.

Ушбу ғалабадан кейин мадридликлар ўз очколарини 49тага етказишди ва жадвалда яна пешқадам бўлиб олишди.

Испания чемпионати, 22-тур
Осасуна – Реал Мадрид 1:3 (1:1, 0:2)
Голлар: 0:1 – 24 Роналду, 1:1 – 33 Леон, 1:2 – 62 Иско, 1:3 – 90 Васкес.
Осасуна – Сиригу, Боннин (Гарсия Субирия, 15), Санхурхо, Вуядинович, Фуэнтес (Клерк, 53), Ромеро, Тьенса (Лоэ, 61), Чаушич, Беренгер, Ривьер, Леон.
Реал Мадрид – Навас, Данило (Хамес, 57), Варан, Рамос, Начо, Марсело, Модрич, Каземиро, Иско (Ковачич, 88), Бензема (Васкес, 72), Роналду.
Огоҳлантиришлар: Фуэнтес (10), Модрич (28), Тьенса (37), Хамес (61), Чаушич (90).