Ўзбекистон миллий терма жамоаси Туркиядаги қисқа муддатли йиғинини тугатиб, бугун тонгда Тошкентда учиб келди, дея хабар беради ЎФФ матбуот хизмати.
Эслатиб ўтамиз, Ўзбекистон миллий терма жамоаси Туркиянинг Анталия шаҳридаги қисқа муддатли ўқув-машғулотлар йиғинини якунлади.
Терма жамоа йиғин доирасида иккита ўртоқлик учрашуви ўтказди. 10 февраль куни Ўзбекистон термаси Россия Премьер-лигаси вакили “Амкар” клуби билан куч синашиб, 1:0 ҳисобида ғалаба қозонди.
11 февраль куни эса Самвел Бабаян шогирдлари Арманистоннинг “Алашкерт” клубига қарши майдонга тушиб, 0:2 ҳисобида имкониятни бой берди.
