19 ёшгача бўлган аёллар ўртасидаги Осиё чемпионати–2017 турнирига қуръа ташлаш маросими шу йилнинг 28 апрель куни Малайзия пойтахти Куала-Лумпур шаҳридаги ОФК қароргоҳида бўлиб ўтади.

Маросим маҳаллий вақт билан 16:00 да бошланиши режалаштирилган. Қуръа давомида 8 та мамлакат терма жамоаси (рейтингдаги ўрнига тегишли равишда) – Хитой, Япония, КХДР, Жанубий Корея, Австралия, Таиланд, Ўзбекистон ва Вьетнам икки гуруҳга бўлинади.

Гуруҳда 1–2 ўринларни эгаллаган терма жамоалар ярим финалга чиқади. Турнир якунига кўра 1–3 ўринларни эгаллаган терма жамоалар аёллар ўртасидаги U-20 Жаҳон чемпионати–2018 йўлланмасига эга бўлади.

Эслатиб ўтамиз, Аёллар ўртасидаги U-19 Осиё чемпионати–2017 мусобақаси 14–28 октябрь кунлари Хитойда бўлиб ўтади.