"Машъал" жамоаси янги мавсумга тайёргарлик кўрмоқда.

-Бу «Машъал»нинг олдига қандай вазифалар қўйилмоқда?

-Жамоамиз олдига албатта юқори ўринлар эгаллаш ва камида ОЧЛ баҳсларида иштирок этиш ҳуқуқини берувчи, йўлланмалардан бирини қўлга киритмоқчимиз. Ҳамжиҳатликда жамоамиз билан ҳаракат қилсак буни уддалаймиз.

-Янги мавсумда ўз олдингизга қандай мақсад қўйдингиз?

-Яширмайман бу йилги мавсумда, камида тўпурар бўлишни ният қилдим. Худо хохласа бу мақсадимга албатта эришаман бир сўз билан айтсам, Янги мавсумда ҳаммаси бошқача бўлади албатта.

-Ўтган йили ўз майдонимиздаги баҳсларга кўп мухлис кузатмадик. Нима деб ўйлайсиз, бу йил мухлислар ташрифи ортармикан?

-Биласизми агар ўз майдонингиздаги баҳсларда стадион тўлиб мухлислар жамоангизни қўллаб қувватлашиб туришса бутун жамоа ўйин мобайнида фақат ғалабани ўйлайди. Аммо сўнги йилларда марказий ўйингоҳимизга мухлисларимиз ташрифи анча камайди. Ишонаманки яқинлашаётган олий лига баҳсларимизда мухлисларимиз бу йил кўпайишади.

-Олий Лигамизнинг бошқа жамоаларидан таклиф бўлдими?

-Ҳа албатта бор эди. Аммо таклиф қилган жамоаларнинг имкониятлари «Машъал» никидан ортиқ жойи йўқ шундай экан бундай вазиятда жамоани алмаштиришни ҳожати йўқ. Қолаверса уйимни ташлаб кетгим келмади «Машъал» менинг уйим.