Трансфер ҳуқуқи “Арсенал”га тегишли бўлган, “Борнмут” жамоасида ижара асосида тўп сураётган Жек Уилшир “Манчестер Сити”га қарши кечган (0:2) ўйинида жароҳат олди.
Уилшир биринчи бўлим якунида захирага олинди. Тиббий кўрикдан сўнг унинг тўпиғи шикастлангани маълум бўлди. Жароҳатнинг жиддийлиги ва тикланиш муддати яна бир тиббий текширувдан сўнг маълум қилинади.
Уилшер “Арсенал” сафида ҳам тез-тез жароҳат олиши ва етарлича ўйин амалиётига эга бўлмагани учун ижарага берилганди. Жорий мавсумда англиялик ярим ҳимоячи 21 ўйинда атиги 2 та голли пас берди.
