Transfer huquqi “Arsenal”ga tegishli bo‘lgan, “Bornmut” jamoasida ijara asosida to‘p surayotgan Jek Uilshir “Manchester Siti”ga qarshi kechgan (0:2) o‘yinida jarohat oldi.
Uilshir birinchi bo‘lim yakunida zaxiraga olindi. Tibbiy ko‘rikdan so‘ng uning to‘pig‘i shikastlangani ma’lum bo‘ldi. Jarohatning jiddiyligi va tiklanish muddati yana bir tibbiy tekshiruvdan so‘ng ma’lum qilinadi.
Uilsher “Arsenal” safida ham tez-tez jarohat olishi va yetarlicha o‘yin amaliyotiga ega bo‘lmagani uchun ijaraga berilgandi. Joriy mavsumda angliyalik yarim himoyachi 21 o‘yinda atigi 2 ta golli pas berdi.
