Собиқ футболчи Альфонсо Перес, каталониялик футболчиларнинг Испания терма жамоасидаги иштироки ҳақида гапирди.
«Агар Гвардиола ҳақиқий каталониялик бўлса, у ҳолда Испания терма жамоасидан кетиши керак эди. Пике ҳам шу йўлдан бормоқда ва ҳалиям терма жамоада ўйнамоқда. Аммо вақти келиб, у ҳам ўзини Каталония мустақиллигининг ашаддий тарафдори сифатида кўрсата бошлайди. Гвардиола ҳам шунақа эди.
Мен каталонияликларга қарши эмасман, ўғлим ҳам Барселонада туғилган. Агар янада радикал бўлганимда, уни Мадрид ёки Севильяда туғилишини таъминлаган бўлардим.
Такрорлайман, мен каталонияликларга қарши эмасман, балки Каталониянинг мустақиллиги тарафдорларига қаршиман» - деди Перес.
