"Манчестер Юнайтед" бош мураббийи Жозе Моуриньо Англия кубогининг 1/4 финалидаги рақиби "Челси" ҳақида фикр билдирди.

"Ўйлашимча, "Челси" ҳозир фақат Англия кубогида бизга қарши ўйин ҳақида бош қотиряпти, чунки улар чемпионатни ютиб бўлишди ва бошқа ҳеч нарса учун курашмайдилар. Кубок улар учун қайсидир маънода муҳим ҳисобланади.

Мен эса жамоани "Сент-Этьен"га қарши жавоб ўйинига, Кубок ўйинига ва умид қиламанки, Европа лигасидаги навбатдаги рақибга қарши тайёрлашим керак. Бунинг устига АПЛда тўртинчи ўрин учун курашишимиз керак. Мен кўп нарсага бош қотиришим керак. "Челси" билан ўйин кейинги ойда, шунинг учун у ҳақида ҳозир гапиришни истамайман", - дейди Моуриньо.

АПЛнинг 25-туридан сўнг "МЮ" олтинчи ўринда бормоқда ва етакчи "Челси"да 12 очко ортда қолган.