"Манчестер Сити" бош мураббийи Хосеп Гвардиола ҳамкасби Марсело Бьелсанинг "Лилль" бош мураббийи этиб тайинлангани борасида фикрини билдирди.

Франция кулби аргентиналик мутахассис билан икки йиллик шартнома имзолади Шартнома 2017 йилнинг 1 июлидан кучга киради.

"Марсело Бьелсагага қойил қоламан, чунки у ўйинчиларни янада яхшироқ савияга чиқаради. Мен Бьелса қўл остида ўйнаб, у ҳақида яхши фикр айтмаган футболчини кўрмадим. Улар ўйин савиялари ошгани учун мураббийдан миннатдорлар.

У менга маслаҳатлари билан ёрдам берган.Ҳар доим у билан суҳбатлашганимда, унинг ёрдам бермоқчи эканини сезаман. У фаолияти давомида нечта совринга эга бўлгани аҳамиятга эга эмас, аммо Бьелса футболга ва кўплаб футболчиларга катта таъсир ўтказган. Мана, нима учун у мен учун дунёнинг энг яхши мураббийи", - дейди Гвардиола.