«Навбаҳор» ёшлари Андижон шаҳрида ўтказилаётган “Ҳоким кубоги”даги сўнгги учрашувни ўтказишди.
Андижоннинг “ЎзДонгЖу” жамоаси билан ўтган баҳсда кучлар тенг келди. Ўйин давомида ҳар икки жамоа аъзоларида гол уриш учун имкониятлар бўлса-да ҳеч бир футболчига дарвозани нишонга олиш насиб этмади.
Гуруҳ ўйинларида икки очко тўплаган ёш “навбаҳор”чилар учинчи ўринни банд этиб, турнирдаги иштирокини якунлади.
“ЎзДонгЖу”га қарши учрашувни «Навбаҳор» ёшлари қуйидаги таркибда ўтказишди: Мирзоҳид Маматханов, Иброҳим Исмоилов, Искандар Сиддиқжанов, Ҳожиакбар Юнусов, Ғолиббек Каримов Шоҳруҳбек Аҳмадалиев, Аббос Ғуломов, Аҳмад Мамадалиев, Исмоил Абдураимов, Шодиёр Шарофиддинов, Илҳом Алибоев. Захирадан майдонга тушганлар: Абдулазиз Жалилов, Аюбхон Жўраев, Омонулло Мирзаев, Даврон Маҳмудов.
