Европа чемпионлар лигасида нимчорак финал босқичидан ўрин олган «Манчестер Сити» ва «Монако» ўртасидаги ўйин голларга бой бўлди.

"Шаҳарликлар" ҳисобни очганларига қарамай, "Монако" танаффусга қадар 2та гол уриб, ҳисобда олдинга чиқиб олди. Иккинчи бўлим бошида Радамель Фалькао пенальтини голга айлантира олмаган бўлса, орадан кўп ўтмасдан "парашют" услубида жуда чиройли гол муаллифига айланди. Бунгача эса Агуэро дарвозабоннинг ишончсиз ўйини туфайли ҳисобни тенглаштиришга улгурганди.

"Монако" мана шу 3та гол билан тўхтади. Гвардиола шогирдлари эса яна учта гол урмагунларича тўхташмади. Натижада "Сити" 5:3 ҳисобида ғалаба қозонди.

ЕЧЛ. 1/8 финал, дастлабки ўйин
Манчестер Сити Англия – Монако Монако 5:3 (1:2, 4:1)
Голлар: 1:0 – 26 Стерлинг, 1:1 – 32 Фалькао, 1:2 – 40 Мбаппе, 2:2 – 58 Агуэро, 2:3 – 61 Фалькао, 3:3 – 71 Агуэро, 4:3 – 77 Стоунз, 5:3 – 82 Сане.
Манчестер Сити – Кабальеро, Стоунз, Отаменди, Санья, Фернандиньо (Сабалета, 62), де Брюйне, Туре, Сильва, Сане, Стерлинг (Навас, 89), Агуэро (Фернандо, 87).
Монако – Субашич, Глик, Фабиньо, Менди, Ражи, Лемар, Бернарду Силва (Моутинью, 85), Мбаппе (Жермен, 79), Бакайоко (Дирар, 88), Сидибе, Фалькао.
Огоҳлантиришлар: Глик (8), Сидибе (25), Агуэро (35), Фернандиньо (40), Отаменди (49), Бакайоко (55), Фалькао (67), Сабалета (73), Бернарду Силва (76), Фабиньо (81).