"Манчестер Сити" бош мураббийи Хосеп Гвардиола ЕЧЛ 1/8 финалида "Монако" билан биринчи учрашув (5:3) хулосаларини келтирди
"Монако" учрашувда 2:1 ҳисобида олдинда бораётган вақтда пенальтидан фойдалана олмадилар.
"Бу ўйин стадионга келганлар учун ҳам уйда томоша қилганлар учун ҳам байрамдай бўлди. "Монако" бугун жуда яхши жамоа канини исботлади Бугунги ўйин натижасидан жуда мамнунман, биз ҳамон ўйиндамиз. Бундай ўйинлар жамоанинг олдинга бир қадам ташлашига ёрдам беради.
Энди Монакога йўл оламиз, у ерда ҳам кўпроқ гол уришимиз лозим. Агар меҳмонда гол ура олмасак, мусобақадан чиқиб кетамиз. Ҳисоб 1:3 бўлганида бизга руҳан қийин бўларди, аммо Кабальеро пенальтини қайтарди. Бу қизиқ ўйин бўлди. Биз ҳужумда яхши ўйнадик, аммо ҳали ўйинимизни яхшилашимиз керак.
Агар икки жамоа ҳам ҳужумда қойилмақом ўйин кўрсатса, ўйин ажойиб кечади. Мухлислар бизни 90 дақиқа давомида қўллаб қувватлаб туришди. Бу биз учун энг яхши совға бўлди", - дейди Гвардиола.
