"Manchester Siti" bosh murabbiyi Xosep Gvardiola YECHL 1/8 finalida "Monako" bilan birinchi uchrashuv (5:3) xulosalarini keltirdi
"Monako" uchrashuvda 2:1 hisobida oldinda borayotgan vaqtda penaltidan foydalana olmadilar.
"Bu o‘yin stadionga kelganlar uchun ham uyda tomosha qilganlar uchun ham bayramday bo‘ldi. "Monako" bugun juda yaxshi jamoa kanini isbotladi Bugungi o‘yin natijasidan juda mamnunman, biz hamon o‘yindamiz. Bunday o‘yinlar jamoaning oldinga bir qadam tashlashiga yordam beradi.
Endi Monakoga yo‘l olamiz, u yerda ham ko‘proq gol urishimiz lozim. Agar mehmonda gol ura olmasak, musobaqadan chiqib ketamiz. Hisob 1:3 bo‘lganida bizga ruhan qiyin bo‘lardi, ammo Kabalyero penaltini qaytardi. Bu qiziq o‘yin bo‘ldi. Biz hujumda yaxshi o‘ynadik, ammo hali o‘yinimizni yaxshilashimiz kerak.
Agar ikki jamoa ham hujumda qoyilmaqom o‘yin ko‘rsatsa, o‘yin ajoyib kechadi. Muxlislar bizni 90 daqiqa davomida qo‘llab quvvatlab turishdi. Bu biz uchun eng yaxshi sovg‘a bo‘ldi", - deydi Gvardiola.
