Янги мавсум тайёргарликларини олиб бораётган "Насаф" жамоаси бугун навбатдаги назорат учрашувини ўтказади. Назорат учрашувида қаршиликларга Навоийнинг "Қизилқум" жамоаси рақиблик қилади.

Ушбу назорат учрашуви Тошкент шаҳридаги "Бунёдкор" футбол академияси майдонида соат 12:00да бошланади.

Айни вақтда кончилар сафида бир қатор собиқ "Насаф" жамоаси ўйинчилари фаолият юритаётгани, бўлажак ўйинга қизиқишни ошириши турган гап. "Насаф" таркибида бугун кимлар майдонда ҳаракат қилиши ҳам мухлислар диққат марказида турибди. Ҳамма катта қизиқиш билан кузатиб бораётган ёш ярим ҳимоячимиз Азизжон Ғаниев кеча "Насаф" сафига қўшилган. Аммо у шу кунларда яна сафар тараддудини кўрмоқда. Унинг бугун майдонга тушиш ёки тушмаслигини албатта мураббийлар ҳал қилишади.

Хуллас, бугунги учрашув, назорат учрашуви мақомида бўлса ҳам, қизиқарли бўлишига шубҳа йўқ.