Испания чемпионатининг 16-тури доирасида "Валенсия" ва «Реал» ўртасидаги ўйинда мадридликлар мағлубиятга учраган бўлсалар-да, бу баҳсда гол уришга муваффақ бўлишди. "Қироллик клуби"нинг ягона голига Криштиану Роналду муаллифлик қилди.

Шу тариқа, "қаймоқранглилар" ўз рекордини янгилади ва кетма-кет 43-ўйинда майдонни голсиз тарк этишмади.

«Реал» сўнгги марта Чемпионлар лигасининг ярим финал босқичи доирасида «Манчестер Сити»га қарши 2016 йилнинг 26 апрель куни бўлиб ўтган ўйинда гол ура олмаганди. Зидан жамоаси 43та ўйинда 114та гол уришга муваффақ бўлди.

Испанияда мутлақ рекорд «Барселона»га тегишли бўлиб, каталонияликлар 1942/43 ва 1943/44 мавсумларда кетма-кет 44та ўйинда гол уришган.

Эслатиб ўтамиз, Ла лиганинг 23-туридан кейин «Реал», битта захира ўйинига эга бўлган ҳолда, "Барселона"дан 1 очко олдинда бормоқда.