Испания чемпионатининг 16-тури доирасида "Валенсия" ва «Реал» ўртасидаги ўйинда мезбонлар ғалаба қозонишди. Ўйиндан кейин мадридликлар бош мураббийи Зайниддин Зидан ўз фикрлари билан ўртоқлашди.

"Ҳақиқат шундаки, биз 10 дақиқа ичида ўйинни бой бердик. Биз ҳужумга яхши ўтдик, тўпни назорат қилдик, аммо ҳимояда иккита хатога йўл қўйдик. Шундан кейин ихтиёримизда 80 дақиқа бор эди. Биз қўлдан келган барча ишни қилдик, аммо ўйинимизга кўп жиҳатлар етишмади. "Реал" рақиблар билан орадаги фарқни ошириб олиш имкониятидан фойдалана олмади.

Испания чемпионати — жуда оғир лига. Бугун ғалаба қозонганимизда ҳам мавсум якунига етмаган бўларди. Мағлубият учун ўзимизни оқламаймиз. Биз биринчи ўринда қолдик. Бироз дам олиб, "Вильярреал"га қарши ўйинга тайёргарлик кўришимиз керак", – деди Зидан.