Ispaniya chempionatining 16-turi doirasida "Valensiya" va «Real» o‘rtasidagi o‘yinda mezbonlar g‘alaba qozonishdi. O‘yindan keyin madridliklar bosh murabbiyi Zayniddin Zidan o‘z fikrlari bilan o‘rtoqlashdi.

"Haqiqat shundaki, biz 10 daqiqa ichida o‘yinni boy berdik. Biz hujumga yaxshi o‘tdik, to‘pni nazorat qildik, ammo himoyada ikkita xatoga yo‘l qo‘ydik. Shundan keyin ixtiyorimizda 80 daqiqa bor edi. Biz qo‘ldan kelgan barcha ishni qildik, ammo o‘yinimizga ko‘p jihatlar yetishmadi. "Real" raqiblar bilan oradagi farqni oshirib olish imkoniyatidan foydalana olmadi.

Ispaniya chempionati — juda og‘ir liga. Bugun g‘alaba qozonganimizda ham mavsum yakuniga yetmagan bo‘lardi. Mag‘lubiyat uchun o‘zimizni oqlamaymiz. Biz birinchi o‘rinda qoldik. Biroz dam olib, "Vilyarreal"ga qarshi o‘yinga tayyorgarlik ko‘rishimiz kerak", – dedi Zidan.