«Челси» бош мураббийи Антонио Конте «Суонси Сити» (3:1) устидан қозонилган ғалабадан сўнг ўз фикрлари билан ўртоқлашди.
«Футболчиларнинг диққат эътиборини жамлаб туриш осонмас. Чемпионат давомида юқори савиядаги ўйинни намойиш этиш мураккаб масала. Баъзан улар хотиржамликка берилиб қолишади. Менинг вазифам – керакли лаҳзаларда уларнинг диққат эътиборини кучайтира олиш.
Айни пайтда ҳақли равишда биринчи ўринда боряпмиз. Аммо чемпион бўламиз деб кафолат беролмайман. Биз жуда яхши ўйнамоқдамиз, кўп гол уриб, кам гол ўтказяпмиз. Жадвалдаги ўрнимиз адолатдан» - деди Конте «Челси» сайтида.