«Реал» бош мураббийи Зайниддин Зидан «Вильярреал» (3:2) клубига қарши ўйиндаги ҳакамликка изоҳ берди.
Эслатиб ўтамиз, мезбонлар ҳакам томонидан белгиланган пенальтидан норози бўлган, ўйиндан сўнг эса «Вильярреал» президенти ҳакамларни «Реал» сумкалари билан стадионни тарк этгани ҳақида айтганди.
«Барча ғалабаларни майдонда қўлга киритганмиз. Мен ҳам, футболчиларим ҳам ҳакамлар ишига аралашмаймиз. Шогирдларим ҳакамларнинг ишини ҳурмат қилади.
Роигнинг «Реал» сумкалари ҳақидаги гапига изоҳ бермоқчимасман. Бу можарога аралашиш ниятим йўқ.
Мен ҳаммани ҳурмат қиламан. Бизга нисбатан қилинаётган эътирозларга қўшилмайман. Бу жуда ёқимсиз, аммо ҳар доим шунақа бўладиган кўринади» - деди Зидан Marca хабарида.
