«Барселона» ҳужумчиси Лионель Месси ҳужумчи Пако Алькасерни сотиб юборилишини талаб қилмоқда.
Don Balon хабарига кўра, Месси уни жамоа савиясига мос ҳужумчи эмас деб ҳисобламоқда.
Эслатиб ўтамиз, Алькасер ўтган йили ёзда 30 млн евро эвазига «Валенсия»дан сотиб олинган эди, бироқ у жамоада ўйнаб кетолмади. Жорий мавсумда Алькасер Испания чемпионатининг 11 ўйинида 1 гол урган холос.
Бундан ташқари, Месси «Валенсия»га ижарага бериб юборилган Мунир Эл-Ҳаддадийни орқага қайтарилишини истамоқда.
Аввалроқ, Испания матбуотида Месси «Барселона»да Жереми Матьё, Лука Динь ва Андре Гомешни кўрмоқчи эмаслиги ҳақида хабарлар чиққан эди.
