"Барселона" президенти Жозеп Бартомеу жамоа бош мураббийи Луис Энрикенинг клубни тарк этиши ҳақида фикр билдирди.
"Луис Энрике клубимиз билан катта муваффаққиятларга эришди. У мавсум охиригача яна соврин ютиши мумкин. Ўйинчиларда бунга мотивация етарли.
Биз бош мураббийимиз варорини қабул қиламиз. У жамоа билан ажойиб ишлар бажарди. Умид қиламизки, унинг "Барселона"даги фаолияти юқори нуқтада ниҳоясига етади", - дейди Бартомеу.
Луис Энрике "Барселона"ни 2014 йилдан буён бошқариб келмоқда ва икки марта Испания чемпиони, икки марта Испания кубоги, бир мартадан Испания Суперкубоги, Чемпионлар лигаси, УЕФА Суперкубоги ва клублар ўртасида жаҳон чемпиони бўлишга эришган.
