«Реал» ва Португалия терма жамоасининг ҳужумчиси Криштиану Роналду ФИФА қароргоҳига ташриф буюрди.
Футболчига Конфедерациялар кубогини ушлаб кўриш таклиф қилинганида, у бош тортди.
«Мен мусобақадан олдин совринларга қўл теккизмайман. Ҳеч қачон. Бу омадсизликка сабаб бўлади.
Мен бу совринни ютиб олишни истайман, бу менинг орзум. Бироқ, бунинг учун кўп меҳнат қилиш керак.
Кўрамиз, мусобақада жамоамиз қандай бўларкан. Умид қиламанки, Португалия яна бир совринни ютиб олади» - деди Роналду.
Эслатиб ўтамиз, Конфедерациялар кубоги 17 июндан 2 июлгача Россияда ўтказилади.
