"Обод" клуби бугундан бошлаб 3-тур ўйинига тайёргарликка киришади.
Машғулотлар клуб базасидаги майдонда олиб борилади. Мухлисларга бир хушхабарни етказиш керак, январь ойида жарроҳлик столига ётишга мажбур бўлган "Обод" бош мураббийи Рауф Инилеевнинг саломатлиги тез суратларда яхшиланиб бормоқда. Рауф Талгатович шу ойнинг ўзидаёқ "постига" қайтади ва катта эҳтимол билан "Обод"нинг навбатдаги уй учрашувида футболчиларни ўзи майдонга олиб тушади.
Эслатиб ўтамиз, "Обод" навбатдаги уй учрашувини 30 март куни "Бунёдкор"га қарши ўтказади. Жамоа унга қадар олий лиганинг 3-турида (18 март) Бухорода "Бухоро" меҳмони бўлса, 24 март куни Ўзбекистон Кубоги доирасида "Ёзёвон-Лочинлари"га қарши сафарда тўп суради.
