Odoxa компанияси франциялик мухлислар ўртасида терма жамоа футболчилари тўғрисида сўровнома ўтказди.

Мингдан зиёд мухлис қатнашган сўровномада французлар Карим Бенземанинг терма жамоага қайтишини истамаслигини баён қилишди. Хусусан, 78% мухлис бунга қарши овоз берди.

Бундан ташқари, 36% мухлис «Монако»нинг 18 ёшли ҳужумчиси Килиан Мбаппени терма жамоага чақирилишини истамоқда. Жорий мавсумда у барча мусобақаларда 16та гол уришга муваффақ бўлган.

Францияликларнинг энг севимли футболчиси эса «Атлетико» ҳужумчиси Антуан Гризманн экани маълум бўлди. Уни ёқлаб 46% мухлис овоз берди. Кейинги ўринларни Уго Льорис (15%), Димитри Пайет (14%) ва Поль Погба (7%) эгаллади.