Интернетда «Барселона» - ПСЖ ўйинини такроран ўтказиш талаби билан имзо тўплаш жараёни бошланди.
Луис Мелендо Ольмедо исмли мухлис Change.org сайтида Чемпионлар лигасидан ўрин олган «Барселона» — ПСЖ (6:1) ўйинини такроран ўтказилишини талаб қилиб, петиция жойлаштирди.
Мухлис ўз талабини бош ҳакам Дениз Айтекиннинг ўйин давомидаги қўпол хатолари билан изоҳлади ва бунинг исботи тариқасида хатолар рўйхати ва зарур фотосуратларни жойлаштирди.
Петицияга исталган одам ўз имзосини қўйиши мумкин. Айни пайтда у 30 мингдан ортиқ имзо тўплашга муваффақ бўлган.
