"Челси" бош мураббийи Антонио Конте Англия кубоги чорак финалида "Манчестер Юнайтед" билан учрашув олдидан икки жамоанинг икки футболчиси ҳақидаги фикрлари билан ўртоқлашди
"Биз қойилмақом футболчи ҳақида гапиряпмиз - у ўтган мавсумда "Лестер"да ажойиб ўйин кўрсатди, бу мавсумда ҳам бизнигнг сафимизда жуда яхши ўйнамоқда. Шу билан бирга Н’Голо яхши инсон ҳам, содиқ, бор кучини сарфлайдиган ва бошқаларга ўрнак. У машғулотларда доим табассум билан ишлайди.
Мен бошқа жамоа ўйинчилари ҳақида гапиришни ёқтирмайман, аммо Погбага келсак, мен у билан бирга ишлаганман. Ҳа, биз топ-савиядаги ўйинчи ҳақида гапиряпмиз, у машғулотларда бор кучи билан ишлайди, техникаси устида ишлайди ва жисмонан кучайишга ҳаракат қилади. Айтишим мумкинки, Пль Погба - топ-савиядаги ўйинчи.
Улар иккиси турлича характердаги турлича футболчилардир. Поль ва Н’Голони таққослаш қийин, улар топ-футболчилар, аммо турличадирлар", - дейди Конте.
