«Нью-Йорк Сити» яримҳимоячиси Андреа Пирло «Челси» бош мураббийи Антонио Контени мақтади.
Футболчи аввалроқ у билан «Ювентус» клубида бирга ишлаган эди.
«Мен учун Конте – энг яхши мураббий, чунки у даҳо. У ҳар куни барча икир-чикирлар устида астойдил иш олиб боради. Жамоа ва футболчиларнинг ўйини яхшиланиши учун меҳнат қилади.
«Ювентус»да у билан уч йил ишладим. Биз совринларни ютиб, ўйинимизни янада яхшилаб олгандик. Энди «Челси»да ҳам шундай бўлиши мумкин» - деди Пирло Omnisport хабарида.