Ўзбекистон миллий терма жамоаси бош мураббийи Самвел Бабаян Сурия ҳамда Қатар термаларига қарши майдонга тушиши мумкин бўлган футболчилар номига ойдинлик киритди. Улар 23 нафар.
ЖЧ—2018 саралашидан жой олган мазкур икки ўйин учун Самвел Бабаян тайёргарликни икки босқичда олиб бориб, биринчисида БААга, иккинчисида эса Туркияга сафар қилганди.
Қайд этиш керак, Амирлик ҳамда Анталия йиғинларида легионер футболчилар иштирок этмаган. Аниқлик киритилишича, мураббий мана шу икки йиғинда иштирок этган жами 16 нафар футболчини расмий ўйинларга таклиф қилмади. Улар билан қуйида танишиш мумкин:
Бобур Йўлдошев — «Локомотив»
Икром Алибоев — «Локомотив»
Сардор Мирзаев — «Локомотив»
Акром Комилов — «Бунёдкор»
Достон Ҳамдамов — «Бунёдкор»
Рустам Ашурматов — «Бунёдкор»
Шуҳрат Муҳаммадиев — «Локомотив»
Одил Ҳамробеков — «Насаф»
Азиз Ғаниев — «Насаф»
Элдор Суюнов — «Насаф»
Александр Мерзляков — «Бухоро»
Азим Аҳмедов — «Пахтакор»
Владимир Козак — «Пахтакор»
Жавоҳир Соҳибов — «Пахтакор»
Станислав Андреев — «Пахтакор»
Шоҳруз Норхонов — «Обод»
Мазкур футболчилар жўрлигида Ўзбекистон терма жамоаси жами 4 та ўртоқлик ўйинида иштирок этган бўлиб, Россиянинг «Амкар» клубини мағлуб этган, Грузия билан дуранг ўйнаганди. Даниянинг 23 ёшгача бўлган футболчилари ҳамда Арманистон чемпиони Ўзбекистон термасини ютиб қўйганди.
