Европа чемпионлар лигасида чорак финалга чиққан 8та клубнинг номи аниқ бўлди. Мусобақанинг чорак финалига қуръа ташлаш маросими ҳақида маълумотларни эътиборингизга ҳавола қиламиз.

Чорак финалга чиққан жамоалар:
"Атлетико" (Испания)
"Бавария" (Германия)
"Барселона" (Испания)
"Боруссия" (Германия)
"Лестер" (Англия)
"Монако" (Франция)
"Реал" (Испания)
"Ювентус" (Италия)

Қуръа қачон ўтказилади?
Чорак финалга қуръа ташлаш маросими 17 март, жума куни Тошкент вақти билан 16:00да бошланади. Маросим УЕФА Ньондаги штаб-квартирасида ўтказилади.

Қуръа трансляцияси
Қуръа маросими UzReport TV телеканали орқали жонли трансляция қилинади. Шунингдек, stadion.uz маросимни матнли онлайн трансляция кўринишда ёритиб боришни мақсад қилган.

Қуръа тартиби қандай?
Чорак финал жуфтликлари кўр-кўрона асосда аниқланади. Жамоалар олдиндан саватчаларга ажратилмайди. Бир мамлакат вакиллари ўзаро тўқнаш келиши мумкин. Қуръада биринчи бўлиб тортилган жамоа дастлабки ўйинни ўз уйида ўтказади. Ярим финал босқичи учун алоҳида қуръа ташлаш маросими ўтказилади.

Ўйинлар қачон ўтказилади?
Чорак финал босқичининг дастлабки ўйинлари 11 ва 12 апрель, жавоб баҳслари 18 ва 19 апрель кунларига белгиланган.

Кардифф сари йўл
Чорак финал: 11/12 ва 18/19 апрель
Ярим финалга қуръа ташлаш маросими: 21 апрель
Ярим финал: 2/3 ва 9/10 май
Финал: 3 июнь, "Миллий" стадиони, Кардифф