Yevropa chempionlar ligasida chorak finalga chiqqan 8ta klubning nomi aniq bo‘ldi. Musobaqaning chorak finaliga qur’a tashlash marosimi haqida ma’lumotlarni e’tiboringizga havola qilamiz.

Chorak finalga chiqqan jamoalar:
"Atletiko" (Ispaniya)
"Bavariya" (Germaniya)
"Barselona" (Ispaniya)
"Borussiya" (Germaniya)
"Lester" (Angliya)
"Monako" (Fransiya)
"Real" (Ispaniya)
"Yuventus" (Italiya)

Qur’a qachon o‘tkaziladi?
Chorak finalga qur’a tashlash marosimi 17 mart, juma kuni Toshkent vaqti bilan 16:00da boshlanadi. Marosim UYEFA Nyondagi shtab-kvartirasida o‘tkaziladi.

Qur’a translyasiyasi
Qur’a marosimi UzReport TV telekanali orqali jonli translyasiya qilinadi. Shuningdek, stadion.uz marosimni matnli onlayn translyasiya ko‘rinishda yoritib borishni maqsad qilgan.

Qur’a tartibi qanday?
Chorak final juftliklari ko‘r-ko‘rona asosda aniqlanadi. Jamoalar oldindan savatchalarga ajratilmaydi. Bir mamlakat vakillari o‘zaro to‘qnash kelishi mumkin. Qur’ada birinchi bo‘lib tortilgan jamoa dastlabki o‘yinni o‘z uyida o‘tkazadi. Yarim final bosqichi uchun alohida qur’a tashlash marosimi o‘tkaziladi.

O‘yinlar qachon o‘tkaziladi?
Chorak final bosqichining dastlabki o‘yinlari 11 va 12 aprel, javob bahslari 18 va 19 aprel kunlariga belgilangan.

Kardiff sari yo‘l
Chorak final: 11/12 va 18/19 aprel
Yarim finalga qur’a tashlash marosimi: 21 aprel
Yarim final: 2/3 va 9/10 may
Final: 3 iyun, "Milliy" stadioni, Kardiff