Бокс бўйича жаҳоннинг собиқ чемпиони Флойд Мейвезер фақатгина битта жанг учун ўз фаолиятини қайта тиклаганини айтиб ўтди.
Агарда UFC чемпиони Конор Макгрегорга қарши баҳс ўтказилмаса, у рингга бошқа кўтарилмаслигини таъкидлади.
"Менинг биргина мақсадим бу - Макгрегор, дейди Мейвезер ўзининг Россияда ўтказган маҳорат сабоғида. - Агарда у билан жанг бўлмаса, мен ўз фаолиятимни якунлайман. Ҳозиргача ҳеч қандай ҳужжат имзолангани йўқ. Лекин учрашув июнда бўлади деб умид қиламан. Мен мухлисларга ҳақиқий жангни кўрсатмоқчиман, ММА дунёси бокс дунёсига қарши", - дейди Флойд Мейвезер.
