«Рома» бош мураббийи Лучано Спаллетти Европа лигасини тарк этишидан норози эканини яширмади.

Жамоа нимчоракфиналда икки ўйин натижасига кўра «Лион» (2:1, 2:4) клубига имкониятни бой берганди.

«Афсуски, оддий хатолар туфайли мусобақани тарк этмоқдамиз. Бу ўйинларда ақл билан иш кўриш керак эди. Айнан шу нарса бизга етишмади. Дастлабки ўйиннинг 1-таймидан сўнг 2:1 ҳисобида олдинда эдик. Аммо якунда 2:4 ҳисобида ютқаздик. Мана шу натижа бизга панд берди. Умуман олганда бугун яхши ўйнадик, ўйинни назорат қилдик, кўп вазиятларни яратдик. Мусобақани бошимизни баланд кўтариб тарк этмоқдамиз» - деди Спаллетти.