"Челси" бош мураббийи Антонио Конте АПЛнинг 29-турида "Сток Сити" устидан қозонилган ғалабадан сўнг (2:1) фикр билдира туриб, жамоа ҳужумчиси Диего Костани мақтаб қўйди.

"Ўйин бошидаёқ огоҳлантирилгандан сўнг ўйинни давом эттириш қийин, аммо Диего Коста бутун мавсум давомида юқори интизомни кўрсатиб келяпти. У бугун жамоа манфаатлари учун ҳаракат қилаётганини амалда кўрсатди. Айнан шу нарсани мен ҳар бир ўйинчидан кутаман. У бугунги қийин учрашувда рақибга хавф солиб турди.

Рақиб сени асабийлаштириб, сени қоида бузишга чорлаши тез-тез учрайди. Аммо Диего бу вазиятда ўзини қойилмақом тутди", - дейди Конте.