2017 йилнинг ёзида АҚШнинг Майами шаҳрида "Реал" ва "Барселона" ўртасида бўлиб ўтадиган учрашувнинг чипталар нархлари маълум бўлди.
"Эл-класико"га энг арзон чипта нархи 350 доллар бўлиб, сотилиш бошланган. Чипталарнинг кўпгина қисми 1000 доллардан сотилмоқда.
Аммо 1000 доллар - бу чегара эмас. Учрашув ўртоқлик мақомига эга бўлганига қарамасдан базъзи чипталар 25 000 долларга сотилган.
Ёзги "эл-класико"га олибсотарлар ҳам аралашган. Баъзи одамлар чипталарнинг катта қисмини арзон сотиб олиб, Stubhub'да 10 баробар қимматига сотишмоқда.
Шу билан бирга, ташкилотчилар стадионнинг тўлишини кутишмоқда. Чипталарнинг асосий қисми Лотин Америкасидан келган фуқаролар томонидан сотиб олиниши мумкин.
