"Барселона" ҳимоячиси Херард Пике жамоадоши Лионель Мессининг тўйига бора олмаслиги мумкин, дея хабар беради El País.
Испан нашрининг ёзишича, Шакира (Пикенинг рафиқаси) ва Антонелла Рокуццо (Мессининг бўлажак рафиқаси) ўртасида муносабатлари узоқ муддатдан буён яхши эмас. Гап шундаки, Рокуццонинг яқин дугонаси Нурия Томас Пикенинг собиқ маъшуқаси бўлади. Пике ва Шакира ўртасидаги алоқа футболчи ҳали Нурия билан орани очиқ қилмасдан бурун бошланган.
Месси ва Рокуццонинг тўйи июнь ўртасига белгиланган. El País Шакиранинг тўйга таклифни рад қилганини ёзмоқда. Бу Пикенинг ҳам тўга бормаслигидан дарак беради. Аммо Шакира ва Рокуццо ўртасидаги совуқ муносабат Месси ва Пике ўртасидаги муносабатларга таъсир қилмаган.