Ўзбекистоннинг биринчи рақамли теннисчиси Денис Истомин АҚШнинг Майами шаҳрида бошланган "Мастерс" туркумидаги юқори нуфузли мусобақа - "Miami Open - 2017" турнирининг асосий тўридан жой олди.
Мазкур мусобақанинг бу йилги мукофот жамғармаси 6 993 450 АҚШ долларини ташкил этмоқда.
Дунёнинг энг кучли ракетка усталари иштирок этаётган ушбу турнир қуръа натижаларига кўра, ҳамюртимиз биринчи даврада россиялик Александр Кузнецовга қарши кортга тушадиган бўлди.
Денис Истомин ва Александр Кузнецов шу пайтга қадар икки маротаба ўзаро тўқнаш келишган ва унда теннисчимизнинг қўли баланд келган. ""Kremlin Cup - Moscow" ва "AEGON Championships - London" мусобақаларида Денис рақибини мағлуб этишга муваффақ бўлган.
Айни дамда россиялик теннисчи ATP рейтинг жадвалида 68 поғонани эгаллаб турибди. Истомин эса ҳозирда 755 рейтинг очкоси билан 70-ўринда.
Маълумот ўрнида айтиш керак, “Miami Open - 2017” турнирини рейтинг жадвалида пешқадамлик қилаётган Энди Маррей ва Новак Жокович жароҳат сабаб ўтказиб юборишмоқда.
