Италия чемпионатидан ўрин олган «Ювентус» - «Милан» (2:1) ўйини ҳаками Давиде Масса номаълум шахслардан ўлим таҳдидини олган.
La Stampa хабарига кўра, ўйиндан кейин унга номаълум шахс қўнғироқ қилиб, оиласи ҳақида тўлиқ маълумотга эга эканини айтиб, қўрқитган. Бундан ташқари, у таҳдидлар ёзилган хатни ҳам олган. Айни пайтда полиция бу воқеалар юзасидан тергов олиб бормоқда.
Эслатиб ўтамиз, «Ювентус» - «Милан» ўйининг 93-дақиқасида ҳакам меҳмонлар футболчиси Сосани майдондан четлатган. 97-дақиқада эса «Милан» дарвозасига ўйин тақдирини ҳал қилган пенальтини белгилаган эди.
