Italiya chempionatidan o‘rin olgan «Yuventus» - «Milan» (2:1) o‘yini hakami Davide Massa noma’lum shaxslardan o‘lim tahdidini olgan.
La Stampa xabariga ko‘ra, o‘yindan keyin unga noma’lum shaxs qo‘ng‘iroq qilib, oilasi haqida to‘liq ma’lumotga ega ekanini aytib, qo‘rqitgan. Bundan tashqari, u tahdidlar yozilgan xatni ham olgan. Ayni paytda polisiya bu voqealar yuzasidan tergov olib bormoqda.
Eslatib o‘tamiz, «Yuventus» - «Milan» o‘yining 93-daqiqasida hakam mehmonlar futbolchisi Sosani maydondan chetlatgan. 97-daqiqada esa «Milan» darvozasiga o‘yin taqdirini hal qilgan penaltini belgilagan edi.
