Ирландия терма жамоаси мураббийи Рой Кин ЖЧ-2018 саралашидан ўрин олган Уэльсга қарши ўйиндан олдин ўз фикрларини айтди.
Хусусан у рақиб ҳужумчиси Гарет Бэйл ҳақида гапирди.
«Бэйл – дунё савиясидаги футболчи. Барча уни тўхтатиб қолиш учун режа тузади. Аммо унинг савиясидаги футболчилар барибир ўйинга ўз таъсирини ўтказади. Бэйл бу ишни жуда кўп марта қилган.
Дунёнинг энг яхши футболчисига қандай қаршилик кўрсатиш мумкин? Маслаҳатим шундай: уни қувиб етинг, унга тўсқинлик қилинг, бошини кўтаришга ҳам имкон берманг. Унга ҳудуд қолдирманг, қўпол ўйнанг. Тепинг, чалиб йиқитинг... Аммо қуюшқондан чиқманг» - деди Кин.
