Кеча баскетбол мухлислари Европа лигасининг мунтазам чемпионатидан ўрин олган “Эл-класико” гувоҳига айланишди. Унда “Реал Мадрид” баскетболчилари “Барселона” клубига қарши паркетга тушди.
Бу мавсумда омадсизлик кўчасига кириб қолган каталонияликлар муддатидан аввал плей-офф босқичига чиқишдан мосуво бўлиб улгуришди. “Реал” эса аксинча турнир жадвалида пешқадамлик қилмоқда.
Мазкур баҳсда ҳам юқоридаги омиллар муҳим рол ўйнади ва унда “Реал” қийинчиликсиз ўз рақибини мағлуб этди. Баҳс давомида “Барселона” бош мураббийи Георгиос Бартсокас ҳакамлар билан тортишганлиги сабаб иккинчи чорак якуни арафасида баҳсдан четлатилди. Бу эса меҳмонларнинг имкониятини янада пасайтириб юборди. Якунда “Реал Мадрид” 85:69 ҳисобида зафар қучиб пешқадамликни сақлаб қолди.
Евролига.
Мунтазам чемпионат.
27-тур.
Реал Мадрид Испания – Барселона Испания
85:69 (22:13, 19:14, 23:24, 21:18)
Реал Мадрид: Серхио Юл (21), Аён (14), Рендолф (13), Тейлор (3), Мачюлис (2) – старт; Томпкинс (9), Керролл (8), Хантер (8), Дончич (5), Руди Фернандес (2).
Барселона: Райс (12), Томич (12), Олесон (9), Перпероглу (7), Клавер (5) – старт; Копонен (11), Ренфро (5), Наварро (4), Везенков (3), Диане (1), Эрикссон (0).