Ўзбекистоннинг биринчи рақамли ракеткаси Денис Истомин, кеча АҚШнинг Флорида штати Майами шаҳрида ўтаётган “Мастерс” сериясига кирувчи нуфузли турнирнинг илк босқич баҳсида россиялик Андрей Кузнецовга қарши кортга чиқди.
Қуръа натижаларидан сўнг ҳамюртимиз асосий тўрнинг биринчи баҳсини ўзи учун қулай бўлган рақибга қарши ўтказишини маълум бўлган эди. Сабаби Истомин Кузнецовга қарши ўзаро икки марта баҳс олиб борган бўлса, иккаласида ҳам уни мағлуб эта олган эди. Бироқ бу сафар шундай бўлмади. ATP рейтинг жадвалида Денисдан 2 поғона юқорида (68) бораётган Андрей Кузнецов теннисчимизни икки сет натижасига кўра мағлуб эта олди.
Денис ҳар икки сетда ҳам Кузнецовга етарлича қаршилик кўрсата олди. Биринчисида 4:6 ҳисоби қайд этилган бўлса, иккинчи сет тай-брейкка қадар чўзилди ва унда Кузнецов ҳамюртимизга умуман имконият қолдирмаган ҳолда (0:7) учрашув ғолибига айланди.
Шу тариқа Денис Истомин “Мастерс” турниридаги иштирокини эрта якунлашга мажбур бўлди.
