«Арсенал» ҳужумчиси Алексис Санчес ўз келажаги борасидаги саволларга жавоб бериб ўтди. Эслатиб ўтамиз, аввалроқ чилилик футболчига «Бавария» ва «Ювентус» клублари қизиқиш билдираётгани ҳақида хабар берилганди.

«Ўзимни Лондонда яхши ҳис қиляпман. «Арсенал»да шартномамнинг охирига қадар қолмоқчиман. Ушбу шаҳарда ўйнашда давом этишни истайман, аммо соврин ютишни ҳам хоҳлардим. Ўз олдига юқори мақсадларни қўйган жамоа шарафини ҳимоя қилиш менга ёқади. Ҳа, 28 ёшдаман, лекин олдинда мени ҳали кўп нарса кутиб турибди. Мен ўзимга ва ўз организмимга эътиборлиман», – деди Санчес.

Алексис Санчеснинг "Арсенал" билан шартномаси 2018 йилнинг ёзида якунига етади.