«Севилья» бош мураббийи Хорхе Сампаоли «Барселона» ҳужумчиси Лионель Месси билан бирга ишлаш нияти борлигини айтди.
«Месси билан ишлашни, ҳар куни уни майдон четидан кузатишни орзу қиламан. Унинг жисмоний ҳолати жуда ҳам зўр. Ким ҳам у тўп сураётган жамоани бошқаришни истамайди дейсиз. Агар етакчи футболчига бахтиёр бўлиши учун ёрдамлашсангиз, муваффақият қозонишингиз эҳтимоли 95% бўлади. Агар Лео жуда яхши ўйнаса, жамоа ютқазмайди» - деди Сампаоли.
Қизиғи шундаки, Сампаоли Месси билан «Барселона»да ёки Аргентина терма жамоасида бирга ишлаши мумкин.
