«Бавария» ва Польша терма жамоаси ҳужумчиси Роберт Левандовски Бундеслига 26-туридан ўрин олган «Аугсбург» (6:0) клубига қарши ўйинда рақиб дарвозасига учта гол урди.
Натижада, 28 ёшли ҳужумчи жорий мавсумда, барча мусобақаларда 5-марта ҳет-трик қилишга эришди. Аввалроқ у «Карл Цейсс» (Германия кубоги), «Вердер», «Гамбург» ва Дания терма жамоаси (ЖЧ-2018 саралаши) дарвозасига учта гол урганди.
Левандовски Бундеслиганинг жорий мавсумида 26 ўйин ўтказиб, 24 гол урган ва 5та голга ҳаммуаллифлик қилган.
