«Бавария» бош мураббийи Карло Анчелотти жамоадаги жароҳатланган футболчиларнинг аҳволи ҳақида маълумот бериб ўтди.

«Мюллерга 2-3 кун дам керак. Кўрамиз, у Дортмундга қарши ўйинда иштирок эта олармикин. Ишончим комил, у «Реал»га қарши ўйингача тайёр бўлади.

Нойерда муаммо йўқ. У индивидуал машғулотларда иштирок этмоқда. Мануэль «Реал» билан ўйинда аниқ майдонга тушади.

Костанинг тикланиш жараёни режа асосида кетмоқда. У фаол ишламоқда.

Алькантара сўнгги пайтларда кўп ўйинларда майдонга тушди. Шу боис, унга дам олиш имкониятини беришга қарор қилдим», – деди Анчелотти.